ეკატერინე მასწავლებლის ბლოგი: სასკოლო კლუბი - "Best Presenters"

კლუბი ჩამოყალიბდა 2021 წლის 20 სექტემბერს. იგი დაკომპლექტებულია 12დან -16 წლამდე მოსწავლეებით. კლუბს ჰყავს კურატორი მასწავლებელი, პრეზიდენტი და პრეზიდენტის მოვალეობის შემსრულებელი. კლუბის შექმნა მიზნად ისახავს პრეზენტაციების მოწყობას თვეში ერთხელ საბაზო საფეხური მოსწავლეებს შორის. ისინი წინასწარ აირჩევენ საპრეზენტაციო თემასა და რესურსებს. კლუბის მთავარი ამოცანაა მოსწავლეების გათვითცნობიერება თუ როგორია წარმატებული პრეზენტაცია. ასევე კლუბის მისაღწევი შედეგია, დიდ აუდიტორიასთან მუშაობის შიშის დაძლევა, საინტერესო თემების მოძიება და სხვებისთვის გაზიარება უცხო და მშობლიურ ენაზე. გარდა ამისა, მოტივაციის ამაღლება და საკომუნიკაციო უნარების დახვეწა-განვითარება, რაც 21-ე საუკუნის დიდ პრობლემას წამოადგენს ახალგაზრდა თაობაში.

კლუბს აქვს საკუთარი ლოგო, წესდება და სამუშაო გეგმა.

(კლუბის ლოგო)

კლუბის სამუშაო გეგმა

#1	განსახილველი აქტივობები	აქტივობების განხორციელების დრო
1	კლუბის დაარსება და ლოგოს შერჩევა	2021 წლის სექტემბერი
2	სასკოლო კლუბის წესდების და კლუბში გაწევრიანების განაცხადის შექმნა	2021 წლის სექტემბერის ბოლო კვირა
3	მშობელთა ინფორმირება ხელშეკრულებების გაფორმება და კლუბის გასაჯაროვება	2021 წლის სექტემბრის ბოლო კვირა
4	თვითმმართველობის წევრებთან შეხვედრა კლუბის პრეზიდენტის და კლუბის პრეზიდენტის მოვალეობის შემსრულებლის მოსწავლეების გამოვლენა (ფარული კენჭისყრით	2021 წლის სექტემბრის ბოლო კვირა
5	მოსწავლეთა მიერ პრეზენტაციის თემის დადგენა თუ რომელ თემას აირჩევენ	2021 წლის ოქტობრის დასაწყისი
6	სასკოლო კლუბში მოსწავლეთა შეხვედრის დროის განსაზღვრა ძირითადად ყოველი თვის ბოლო პარასკევი,ასევე საჭიროებისამებრ,აგრეთვე თუ მათ შეხვედრას რაიმე გარემოება შეუშლის ხელს დადგინდეს კვირის რომელიმე დღე.	2021 წლის ოქტომბრის პირველი კვირა
7	კლუბის მუშაობისათვის სასკოლო ოთახის მოწყობა-სადაც გაიმართება შეხვედრები	2021 წლის ოქტომბრის პირველი კვირა
8	სკოლის ადმინისტრაციასთან შეხვედრა და საჭირო რესურსებისათვის მოთხოვნის გაკეთება	2021 წლის ოქტომბრის მე-2 კვირა
9	სხვადასხვა ორგანიზაციებთან და სკოლებთან მეგობრული კავშირების დამყარება და ერთობლივი ღონისძიებების დაგეგმვა	2021 წლის ოქტომბრის მე-2 კვირა
10	სავარაუდო საპრეზენტაციო თემები: გარემოს დაცვა ტოლერანტობა ბულინგი თინეიჯერები თაობათა შორის განსხვავებები ტექნოლოგიური წინსვლა გლობალური დათბობა კულტურათა სხადასხვაობა ტურიზმი	2021-2022 წლის ყოველი ბოლო თვის პარასკევი დღე დასვენებების გამოკლებით
11	დასკვნითი ღონისძიება ანუ გადაწყდება კლუბი გააგრძელებს არსებობას თუ შეწყვეტს	სასწავლო წლის ბოლოს

კლუბში გაწევრიანების განაცხადის ფორმა

დანართი № 1

სსიპ მარტვილის მუნიციპალიტეტისსოფელ ხუნწის

საჯარო სკოლის

კლუბის პრეზიდენტს -------------- ----------------------------

ამავე სკოლის ---- კლასის მოსწავლე

--------------------------------------------

მშობლის ----------------------------------------

გ ა ნ ა ც ხ ა დ ი

გთხოვთ, ჩემი შვილი, სსიპ მარტვილის მუნიციპალიტეტის სოფელ ხუნწის საჯარო სკოლის ......... კლასის მოსწავლე --------------------------------- გააწევრიანოთ ამავე სკოლაში შექმნილ სასკოლო- კლუბში - "Best Presenters"

პატივისცემით,

განმცხადებელი:

თარიღი:

დანართი №2

სსიპ მარტვილის მუნიციპალიტეტის სოფელ ხუნწის საჯარო სკოლის სასკოლო კლუბის - “Best Presenters- საუკეთესო პრეზენტატორების”

წესდება

1. ზოგადი დებულებები

1.1. სსიპ მარტვილის მუნიციპალიტეტის სოფელ ხუნწის საჯარო სკოლის სასკოლო კლუბი - Best Presenters - საუკეთესო პრეზენტატორები” დაფუძნებულია „ზოგადი განათლების შესახებ“ საქართველოს კანონის 48-ე მუხლის „ე“ ქვეპუნქტისა და ,,ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ’’ საქართველოს განათლებისა და მეცნიერების მინისტრის 2005 წლის 15 სექტემბრის N448 ბრძანებით დამტკიცებული საჯარო სკოლის წესდების მე-10 მუხლის მე-6 პუნქტის „გ“ ქვეპუნქტის საფუძველზე მოსწავლეთა თვითმმართველობის წევრთა ინიციატივით.

1.2. კლუბი დაფუძნებულია ერთი სასწავლო წლის ვადით.

1.3. კლუბს აქვს სახელწოდება, ლოგო, აგრეთვე შეიძლება ჰქონდეს სხვა რეკვიზიტები.

1.4 კლუბის იურიდიული მისამართი: საქართველო, მარტვილის მუნიციპალიტეტის სოფელ ხუნწის საჯარო სკოლა

2. კლუბის მიზნები და ამოცანები

2.1. მოსწავლეთა საკუთარი თავის გამოხატვის შესაძლებლობების მიცემა;

2.2. სასკოლო პროგრამების მხარდაჭერა ;

2.3. საგანმანათლებლო ბაზის შექმნა;

2.4. მოსწავლეთა კვლევის, სინთეზის, ანალიზის, დისკუსიის უნარების გამოვლინება და ჩამოყალიბება;

2.5.მიღებული ცოდნის ადაპტირება ყოფა-ცხოვრებაში;

2.6. პრეზენტაციის უნარის ჩამოყალიბება;

2.7. პრობლემის გადაჭრის უნარი გამოვლენა;

2.8. წყვილებში, ჯგუფებსა და ინდივიდუალურად მუშაობის გამოცდილების მიღება-გაზიარება;

2.9. კლუბი უფლებამოსილია განახორციელოს ნებისმიერი საქმიანობა, რომელიც ემსახურება კლუბის მიზნებს, ინტერესებს, ორიენტირებულია შედეგზე და არ ეწინააღმდეგება საქართველოს კანონმდებლობას;

2.10. სასკოლო კლუბის ძირითად მიზნებს წარმოადგენს მოსწავლეთათვის კლუბის ფარგლებში წარმოშობილი პრობლემური თუ საინტერესო საკითხების განხილვა. ასევე, სხვადასხვა საგანმანათლებლო აქტივობების ორგანიზება მოსწავლეთა პრაქტიკული და თეორიული უნარების განვითარებისათვის.

3. კლუბში გაწევრიანება და წევრობის შეწყვეტა

3.1. კლუბის წევრობა ნებაყოფლობითია;

3.2. კლუბის წევრი შეიძლება გახდეს ამავე სკოლის საბაზო საფეხურის მოსწავლე, რომელიც იზიარებს კლუბის მიზნებს;

3.3. კლუბის წევრობის მსურველმა უნდა მიმართოს კლუბს წერილობით ამ წესდების დანართი N1 -ით დამტკიცებული ფორმით;

3.4. კლუბის წევრი ვალდებულია მიიღოს მონაწილეობა კლუბის საქმიანობაში, დაიცვას წესდების მოთხოვნები, შეასრულოს დავალებები და კლუბის მიერ მიღებული გადაწყვეტილებები;

3.5. კლუბის წევრს ეკრძალება იმოქმედოს ორგანიზაციის სახელით პრეზიდენტთან შეთანხმების გარეშე;

3.6. კლუბი პასუხისმგებელია მისი წევრის მხოლოდ იმ საქმიანობაზე, რომელიც დაკავშირებულია კლუბის საქმიანობასთან;

3.7. კლუბის წევრს უფლებამოსილება უწყდება:

ა) პირადი განცხადების დაფუძველზე;

ბ) კლუბის წევრთა ხმათა უმრავლესობის გადაწყვეტილებით, როდესაც მისი საქმიანობა ეწინააღმდეგება კლუბის მიზნებს და უხეშად არღვევს აღნიშნული წესდების დებულებებს;

გ) მოსწავლის ამორიცხვის, გარიცხვის, სტატუსის შეჩერების შედეგად.

4. კლუბის მართვა და გადაწყვეტილებების მიღების წესი

4.1. კლუბს შეიძლება ჰყავდეს კურატორი (მასწავლებელი), რომლის უფლებამოსილებაა უხელმძღვანელოს კლუბის საქმიანობას, ერთპიროვნულად წარადგინოს კლუბი მესამე პირებთან, უხელმძღვანელოს კლუბის მიერ განსახორციელებელი პროექტებისა და პროგრამების შემუშავებასა და რეალიზაციას, განაგოს კლუბის ქონება;

4.2. გადაწყვეტილების მიღებისას ხმის უფლებით სარგებლობენ კლუბის წევრები, რომლებიც გადაწყვეტილებას იღებენ დამსწრეთა უმრავლესობით.

4.3 კლუბს კურატორთან ერთად ჰყავს 1 სემესტრის ვადით არჩეული პრეზიდენტი და პრეზიდენტის მოვალეობის შემსრულებელი რომელსაც კენჭისყრით არჩეული პრეზიდენტი თავად ირჩევს.

5. კლუბის მუშაობა

5.1. კლუბი იკრიბება საჭიროებიდან გამომდინარე;

5.2. კლუბი მუშაობს წინასწარ შემუშავებული სამოქმედო გეგმით;

5.3. კლუბის კურატორი ინტერნეტსივრცეში ქმნის facebook –ის გვერდსა და ბლოგს, სადაც განთავსდება ინფორმაცია კლუბის სახელწოდება, კლუბის წესდება, სამოქმედო გეგმა და ფოტომასალა კლუბის საქმიანობის შესახებ;

5.4. ამ წესდების მეორე მუხლით გათვალისწინებული ამოცანებისა და მიზნების მისაღწევად კლუბის წევრები:

• ახორციელებენ არჩეული საპრეზენტაციო თემების ჩვენებას ინგლისურ და მშობლიურ ენაზე Power point -ის, პოსტერის ან ვიდეოკოლაჟის საშუალებით

• ორგანიზებას უწევენ პრეზენტაციის თემების შერჩევას და მასში მონაწილეთა დასწრება

• უზრუნველყოფენ მოსწავლეთა ინფორმირებას კლუბის ფარგლებში წამოჭრილ სიახლეებთან დაკავშირებით;

• წინადადებებით მიმართავენ სკოლის მოსწავლეთა თვითმმართველობას.

6. ცვლილებების შეტანა

წესდებაში ცვლილებებისა და დამატებების შეტანა ხდება შესაბამისი წინადადების მოსწავლეთა თვითმმართველობის საბაზო საფეხურის გაერთიანებულ სხდომაზე განხილვისა და დამტკიცების შედეგად.